Permalinks
என்பது Permanent Links என்று பொருள்படும். அதாவது நீங்கள் எழுதும்
பதிவுகளின் நிரந்தர முகவரி ஆகும். உங்கள் கட்டுரைக்கு வைத்த
தலைப்பிலிருந்து blogger தானாகவே permalinks ஐ அமைத்து விடும்.நீங்கள்
எதைப்பற்றி எழுதியுள்ளீர்கள் என்று இதை வைத்து படிப்பவர்களும் தெரிந்து
கொள்ள முடியும். இதை வைத்து தான் கூகிள் போன்ற தேடுபொறிகளும் (Search
engines) உங்கள் வலைப்பக்கத்தை புதுப்பித்துக்கொள்கின்றன. பதிவுகளையும்
வகைப்படுத்திக்கொள்கின்றன. வலை உலாவிகள் இந்த
முகவரியைக்கொண்டு தான் அந்தப்பக்கத்திற்கு கொண்டு செல்கின்றன. எனவே உங்கள்
வலைப்பதிவு பிரபலமாக இதுவும் மிக அவசியமான ஒன்று ஆகும்.தலைப்பில் ஆங்கில வார்த்தைகள் இருந்தால் அதை வைத்தும்
இல்லாவிட்டால் எண்களையே நிரந்தர முகவரி ஆக்கிவிடும். உதாரணமாக :
http://ponmalars.blogspot.com/2010/11/monitor-and-control-your-internet-usage.html
ஆங்கில வார்த்தைகள் இல்லாவிட்டால்
http://ponmalars.blogspot.com/2010/04/5.html இந்த மாதிரி அமையும்.
அதனால் நாம் பதிவுகளுக்கு தலைப்பு வைக்கும் போது கவனம் கொள்ள வேண்டும். wordpress சேவைகளில் இந்த நிரந்தர முகவரியை மாற்றிக்கொள்ளும் வசதி உள்ளது. இந்த வசதி பிளாகரில் இல்லை. ஒரு முறை நிரந்தர முகவரி வைக்கப்பட்டு விட்டால் மீண்டும் மாற்றும் வழியில்லை. எத்தனை முறை தலைப்பை மாற்றினாலும் நிரந்தர முகவரி மாறாது. draft இல் இருக்கும் போது வேண்டுமெனில் மாற்றி விளையாட முடியும்.
மேலும் இன்னொரு சிக்கல் என்னவென்றால் நமது தலைப்பில் உள்ள 40 எழுத்துக்குள் மட்டுமே நிரந்தர முகவரி அமைக்கப்படும். அதனால் நாம் வைத்த தலைப்பின் பாதி கூட முகவரியாக அமையலாம். அதனால் நமது பதிவின் முக்கிய கருத்தும் சுருங்கிவிடலாம். உதாரணமாக நான் வைத்த தலைப்பும் அதன் நிரந்தர முகவரியும் கீழே
How to backup and restore blogs in blogger
http://ponmalars.blogspot.com/2010/07/how-to-backup-and-restore-blogs-in.html
கடைசியில் blogger என்பது முகவரியில் வராமல் போய்விட்டது.
இந்த பிரச்சனைகளை எப்படி சரி செய்யலாம்?
1 . உங்கள் தலைப்பு 40 எழுத்துக்குள் அமையுமாறு சுருக்கமாக கட்டுரையின் உள்ளடக்கத்தை பிரதிபலிக்கிற மாதிரி அமைக்கவும். அப்போது தான் தேடுபொறியில் நல்ல இடம் பெற முடியும்.
2 . நீங்கள் தமிழ் மொழியில் பதிவுகள் எழுதுபவராக இருந்தால் உங்கள் கட்டுரையின் தலைப்பை ஆங்கிலத்தில் அடித்து பதிவிட்டு அடுத்த நொடியில் Edit posts சென்று திரும்பவும் தமிழில் மாற்றி பதிவிடவும். அப்போது தான் பார்ப்பவர்களுக்கு தமிழில் தலைப்பு தெரியும். உங்கள் நிரந்தர முகவரியோ ஆங்கிலத்தில் தேடுபொறிகளுக்கு ஏற்றவாறு அமையும்.
இந்தப்பதிவின் permalink : http://ponmalars.blogspot.com/2010/11/create-suitable-permalinks-for-blogger.html
நன்றி!
http://ponmalars.blogspot.com/2010/11/create-suitable-permalinks-for-blogger.html
|
